مہر خبررساں ایجنسی کی رپورٹ کے مطابق مجمع تشخیص مصلحت نظام کے سربراہ آیت اللہ ہاشمی رفسنجانی نے الجزیرہ ٹی وی چینل کے ساتھ گفتگو کرتے ہوئے کہا ہے کہ اسرائیل کی طرف سے ایران کے خلاف فوجی کارروائی پر مبنی دھمکیاں دشمن کی طرف سےنفسیاتی جنگ کا حصہ ہیں اور اگر اسرائیل نے ایران کے خلاف معمولی سے حماقت بھی کی تو اسے تاریخ میں ہمیشہ کے لئے پشیمان ہونا پڑےگا کیونکہ ایران کی جوابی کارروائی شدید اور فیصلہ کن ہوگی۔
ہاشمی رفسنجانی نے بش کی باقی ماندہ صدارتی مدت میں ایران پر امریکی حملے کو بعید قراردیا اور کہا کہ واشنگٹن ایرانی عوام کو خوب پہچانتا ہے کیونکہ اسے معلوم ہے کہ ایران پر حملے کی صورت میں امریکی مفادات بھی دنیا میں محفوظ نہیں رہیں گے۔ ہاشمی رفسنجانی نے گروپ 1+5 کے پیکیج کی طرف اشارہ کرتے ہوئے کہا کہ اس میں بھی ایران کے حق کو نظر انداز کیا گیا ہے اور ہر وہ پیکیج جس میں ایرانی عوام کے حقوق کو نظر انداز کیا گیا ہو اسے ایران کے لئے قبول کرنا مشکل ہے اور یورینیم کی افزودگی ایران کا حق ہے لہذا یورینیم کی افزودگی کا سلسلہ جاری رہے گا۔
آپ کا تبصرہ